Índia

Article on other languages:

del.icio.us del.icio.us
Digg Digg
Furl Furl
Reddit Reddit
Rojo Rojo
Add to OnlyWire
Repúbrica e La Índia
Bandera e Índia Escú e Índia
(En detalli) (En detalli)
Asiahamientu e Índia
Luenga oficial Indi i inglés
Capital Nueva Delhi
Presidenti 'el gobiernu Pratibha Patil
Cumprimentu
 - Total
 - % augua		 Posición 7ª
3,287,590km²
9,56
Puebración
 - Total (2007)
 - Densidá		 Puestu 2º
1.128.310.505
329 ab/km²
Moeda Rúpia
Zona orária
 UTC +5:30
Innu Vande Mataram
Domeñu Internet .in
Código telefónico +91
Miembru e: Commonwealth of Nations, ONU, SAARC

La India (devanagari: भारत Bhārat), oficialmente la República de la India (devanagari: भारत गणराज्य, Bhārat Template:Unicode), es una nación soberana nel sul d'Ásia. Es el sétimu pais mas grandi en estensión i el segunderu en puebración. Linda col Océanu Índicu nel sul, el Mari Arábigu nel oesti i la Baia de Bengala nel esti. Linda con Paquistán al oesti; China, Nepal, i Bután al noresti; i Bangladesh i Burma al esti. Nel Océanu Índicu, Índia es vezinu e Sri Lanka, Las Maldivas i Indonésia.

Fogaril de la cevilización del Valli el Indu i rehión estórica polas rutas comelcialis i grandis empérius, el sucontinenti índiu s'a caraiterizau pola su riqueza comelcial i curtural duranti muchu tiempu ena su larga estória. Cuatru grandis relihionis ubun nacéncia aquina: Induismu, Budismu, Hainismu i Sikhismu. Mentris qu'el Zorastrismu, Hudaismu, Cristianismu i Islam llegun nel primel miléniu. Graualmenti hue anesioná pola Compañia Británica e la Índia duranti el sigru XVIII i colonizá pol Reinu Uñiu endi la metá el XIX, Índia se gorvió una nación moelna en 1947, endispués c'una runcha pola endependéncia acaeciera i que se llamó rehisténcia nu violenta.

Índia es la 12ª ecunomia mundial nel PEB (proutu enteriol brutu) i la trecera en puel alquisitivu. Las rehormas ecunómicas án güertu el pais nel segunderu ena lista los paisis con mayol crecimientu. Peru sigui sufriendu grandis nivelis de probécia, fabetización, malnutrición i egración meyuambiental. Es una socieá prural relihiosaenti, prurilingüi i murtiénica. Tamién tini una divelsa fauna i lugaris protehius.

Continius

Orihin etimolóhicu

En 325 adC los gregus, con Alehandru Magnu al mando, penetron nesa rehión i nobraron-la Indo —palabra que provieni 'el sánscritu sindhu («Tozu»)— al río i, por extensión, India a la península. Los indús llaman a su país Bhárat porel mitolóhicu rei sabiu Bharát.

Heografia

Mapa topográfico dela Índia.
Las ilas Andaman

El territótiu dela Índia constituyi la mayol parti 'el subcontinenti índiu, asihadau ena placa índia, ena ásia meridional. Los estaus indius 'el norti e 'el noroesti están parcialmenti asihadaus nel Imalaya.

EL territóriu índiu está hormau porel Imalaya nel extremu norti i noroesti, pola planície Indu-Ganges al norti, al noroesti i al esti, i porel planaltu 'el Decán nel centru. El Decán está flanqueau por dos sierras: el Gates Occiental i el Oriental.

La Índia cuenta con diversus grandis tozus, comu el Ganges, el ríu Bramaputra, el tozu Yamuna, el Godavari, Kaveri, Narmada i o Krishna. El pais tieni tres archipíelaus: Laquedivas, las ilas Andamán i Nocobar i las Sundarbans, nel delta 'el Ganges.

Organización territorial

Estaus i territórios dela Índia

La devisión administrativa dela Índia consiste en:

28 estaus

  1. Andhra Pradesh
  2. Arunachal Pradesh
  3. Assam
  4. Bihar
  5. Chhattisgarh
  6. Goa
  7. Gujarat
  8. Haryana
  9. Himachal Pradesh
  10. Jammu i Cachemira
  11. Jharkhand
  12. Karnataka
  13. Kerala
  14. Madhya Pradesh
  1. Maharashtra
  2. Manipur
  3. Meghalaya
  4. Mizoram
  5. Nagaland
  6. Orissa
  7. Panjab
  8. Rajasthán
  9. Sikkim
  10. Tamil Nadu
  11. Tripura
  12. Uttar Pradesh
  13. Uttaranchal
  14. Bengala Occidental

6 Territórios dela Uñón

A. Ilas Andamán i Nicobar
B. Chandigarh
C. Dadra i Nagar Haveli
D. Damán i Diu
E. Lakshadweep
G. Pondicherry

Territorio de la capital nacional
F. Delhi

Estória

El Taj Mahal hue construiu por rei Shah Jahan comu muestra e amol acia su esposa, Mumtaz Mahal

La civilización 'el Valli 'e´Indu, surgiu nel sigru XXXII dantis e Cristu, i chegó a cotas significativas de desarrollu, a partir 'el sigru XXV dantis e Cristu. Le sigiú la civilización Védica, que hue la primeriza civilización avançá i el primel rehistru estóricu nel usu 'el metal. L'orihin delos indu-arianus es un asuntu controvetiu.

La mayol parti delos estudiosus acredita nalgún tipu e posibiliá e emigración indu-ariana, sigún la cual los arianus, un pueblu semi-nómada posiblementi dela Ásia Central o tal vez 'el norti Irán, abrian emigrau pal noroesti 'el continenti entri 2000 i 1500 dantis e Cristu. La naturaleza e tal emigración, el sítiu d'orihin, i asta mismo la su propria existéncia delos arianus como pueblu destinto, están huertimenti porfiaus. La fusión dela cultura védica colas culturas dravídicas qu'eran anterioris aparentimente resultó ena cultura índia crásica. Las nacencias e Mahavira i e Buda nel sigru VI dantis e Cristu marcan el escomiençu dela fasi mehol rehistrá dela estória indiana. Duranti los 1500 añus a seguil, la Índia produhu la su civilización crásica i, sigún algunus estoriaoris, la mayol economia 'el mundu antíguu entri los sigrus I i XV d.C. al controlal entri un térciu i un cuartu dela riqueza mundial asta la época mogol, endispués declinó ahilamenti sob el domíniu británicu.

A las incursionis delos ehércitus árabis i centru-asiáticus enus sigrus VIII i XIII siguirun las e comerciaoris d'Uropa, a partil 'el final 'el sigru XV. La Compañia Inglesa delas Índias Occidentalis hue hundá en 1600 i emprencipió, dendi 1757, la colonización e partis dela Índia. En 1858, endispués e ganal ala confedereción Sique nel Pubjab en 1849, la corona británica asumió el control pulíticu e cuasi tol continenti. Ubu tropas índias nel ehércitu británicu, las cualis desempeñarun un papel vital en dambas guerras mundialis. La resiténcia non violenta al colonialismu británicu encabeçá por Mahatma Gandhi, Vallabhbhai Patel i Jawaharlal Nehru, llevó a la independéncia frenti al Réinu Uñiu en 1947. El subcontinenti hue repartiu entri la República dela Índia, secular i democrática i la República Islámica e Paquistán. Comu resultau duna guerra entri los dos paisis en 1971, el Paquistán Oriental se hizu independienti conel nombri e Bangladesh. Nel sigru XXI, la Índia obtuvu muchus avacis ena investigación asin comu invirtiu muchu en produción i el su desarrollu económicu, constituyendu ogañoti la mayol democrácia 'el mundu, con una puebración e mas e 1000 millonis e personal u es tamién la cuarta economia mundial.

Arrecuperau endi "http://ext.wikipedia.org/wiki/%C3%8Dndia"

This article is from Wikipedia. All text is available under the terms of the GNU Free Documentation License.